Tariximiz

 

24 iyun 2010-cu ildə Embawood şirkəti nəznində təsis edilmiş “Madeyra” brendi eviniz üçün bütün çeşid yüksək keyfiyyətli, müasir dizayn həlli tapmış mebel dəstlərini təklif edir. Bol çeşid və qiymət münasibliyi ilə ölkənin böyük mebel şəbəkələrindən biri olan “Madeyra” brendi Azərbaycan Respublikasının iqtisadiyyatının qeyri-neft sektorunun ticarət sahəsində şaxələndirilməsinə daima öz töhfəsini verir.

Brendin baş ofisi Azərbaycan Respublikasının paytaxtı Bakıda yerləşir. Brendin paytaxtda və ölkənin bölgələrində ümumilikdə 80 mağaza və 5 distribütorluğu fəaliyyət göstərir.

“Madeyra” brendi Azərbaycanla yanaşı, eləcə də Gürcüstan, Ukrayna kimi ölkələrdə də təmsil olunur.

Şirkətimizin Azərbaycanın Masallı, Xırdalan və Sumqayıt şəhərlərində böyük fabrikləri mövcuddur. Gənc, dinamik və təcrübəli əməkdaşlarımızla keyfiyyətli materialları yüksək texnologiyayla işləyərək çox qiymətli müştərilərimizin istifadəsinə təqdim edirik.

Bu gün bizim şirkət yüksək peşəkarlığa sahib olan əməkdaşların daxil olduğu böyük bir komandadır. Biz, ölkəmizin seçilən və sevilən ev mebeli brendi olmaq üçün Sizin büdcənizi düşünərək durmadan çalışıb, Sizə daima yüksək keyfiyyətli və beynəlxalq standartlara uyğun məhsul və xidmətlər təklif etməyə hazırıq.

Beynəlxalq standartlara cavab verən məhsullarımız həm Azərbaycanda, həm də ölkə hüdudlarından kənarda müştərilərin rəğbətini qazanmışdır. Fabriklərimiz dünya standartlarına uyğun yüksək texnologiya ilə təciz edilmiş, istifadə edilən xammal və materiallar isə xarici ölkələrin qabaqcıl firmalarından tədarük edilir. Hal-hazırda fabriklərimizdə yumşaq mebel daxil olmaqla hər növ ev və ofis mebeli istehsal edilir. Bununla yanaşı üzlənmiş melaminli lövhə, melaminli MDF, MDF profil, laklı, PVC və boyalı fasad yarımfabrikat istehsal sahələri də həmçinin mövcuddur.

“Madeyra” brendinin ev mebeli müasir, funksional, çeşidli, zövgünüzü oxşaya biləcək qonaq, yumşaq, uşaq, dəhliz və mətbəx dəstləri ilə təmsil olunur. Mebel çeşidlərimizi istər komplekt, istərsə də hissə-hissə əldə etmək imkanınız vardır. 

“Madeyra” məhdud resurslardan maksimum effektiv istifadə edərək evlərə səliqə bəxş edir. Qonaq otağı dəstindən künc dəstinə, yemək otağından dolaba, yataq otağından gənc otağına, mətbəxdən dəhliz mebelinə qədər - tərziniz və zövqünüzün necə olduğunu bilməsək də, inanırıq ki, “Madeyra” kataloqunda Siz öz zövq və istəyinizə uyğun bir mebel dəsti mütləq tapacaqsınız.

Modellərimizi davamlı yeniləyərək, hər keçən gün təkmilləşən təcrübəmiz və qabiliyyətimiz ilə qısa müddətdə çox böyük nəaliyyətlər əldə edərək, Azərbaycanın ən böyük, müasir və ekoloji cəhətdən təmiz ev mebeli istehsalçılarından birinə çevrildik.

 

Beynəlxalq sertifikatlar:

İSO 9001:2000 Beynəlxalq “Keyfiyyətin İdarə Edilməsi Sistemi” üzrə sertifikat;

İSO 14001 ..2004 Beynəlxalq “Keyfiyyətin İdarə Edilməsi Sistemi” üzrə sertifikat.

 

Üstünlüyümüz

“Madeyra” brendi bir ailə olaraq, müştərilərinə keyfiyyətdə qüsura yol vermədən, yaşayış məkanlarını daha müasir və əlverişli şərtlərlə istehsal edilən mebellərlə bəzəməyə hər zaman hazırdır.

 

Missiyamız

Biz insanlara inam və əminlik veririk, onların həyatını daha rahat və zövqlü edirik, onların məqsəd və arzularını reallaşdırırıq. Bizim missiyamız eviniz üçün funksional və estetik mükəmməllik yaradaraq, məhsullarımızın yüksək keyfiyyəti ilə müştərilərimizin qarşısında güvənimizi artırmaqdır!

 

Vizyonumuz

Bizim məqsədimiz mebel istehsalı və satışı üzrə Azərbaycanın və regionun aparıcı mebel markası olmaqdır. Biz öz missiyamızı davamlı yüksək keyfiyyətli məhsul və xidmətlərin təqdim edilməsində görürük.

 

Dəyərlərimiz

Bizim əsas dəyərlərimiz ölkəmizin, bizə yaxın olan hər kəsin, ən əsas müştərilərimizin xeyrinə hərəkət etməkdir. Yüksək keyfiyyət, münasib qiymət, etibarlılıq və ən önəmlisi müştəri məmnuniyyəti əsas hədəflərimizdəndir. Müştəriyə yaxın olmaq, ona dəyər vermək, müştərinin istək və ehtiyaclarını uyğun məhsulla, uyğun qiymətlə və yüksək xidmətlə qarşılanmasıdır.

Sərbəstlik

Sərbəstlik sərbəst seçimdən başlayır! Madeyra brendinin geniş məhsul portfeli sayəsində Siz öz seçiminizdə sərbəstsiniz. Yaşınızdan və ailə statusunuzdan asılı olmayaraq modellərimiz arasında Sizə uyğun olanı seçəcəyinizdən əminik.

Funksionallıq

Qonaq qəbul etməyi sevirsiz, lakin otaq sayınız məhduddur? Belə vəziyyətdə həm divanı, həm də kresloları mexanizmli olan yüksək funksional yumşaq mebellərimiz köməyinizə çatacaqdır. Uşaqdan böyüyə bütün qonaqlarınızı yerləşdirmək üçün idealdır. Eyni zamanda yumşaq mebellərdə artıq əşyalarınızı yığa biləcəyiniz sandıqlar da vardır. Qonaq otağı mebelləri və vitrinləri dizayn edərkən siyirmə, rəf və dolablardan maksimum şəkildə istifadə edə bilməyinizi təmin etdik. Otaq və interyerinizin özünəməxsusluğunu nəzərə alaraq bəzi modellərimizi modulyar şəkildə hazırladıq, dolabların daxilində işıqlandırma sistemi qurduq. Eyni prinsip uşaq dəstləri və mətbəx dəstləri üçün də etibarlıdır. Mətbəx dəstlərində həm divar boyu, həm də künc dolabların hesabına kiçik sahədən maksimum faydalı şəkildə istifadə etməyə imkan yaratdıq.

Dizayn

Mebeldə müasirlik ab-havasına üstünlük verirsiz? Bir mebeldə bir neçə dizayn üslubunu görmək istəyərdiniz? Bunların heç birini bəyənmirsiz, ənənəvi tərzdə dizayn edilmiş mebeli ideal hesab edirsiz? Bu suallara verəcəyiniz cavabdan asılı olmayaraq istənilən halda Siz haqlısız! Çünki zövqlər mübahisə mövzusu ola bilməz. Sizin zövqünüzə uyğun mebel modellərini isə bizim mağazalardan əldə edə bilərsiniz. İstehsal etdiyimiz model çeşidləri arasında məhz Sizə uyğun olanı mütləq tapacaqsınız!

Evinizin yanında

Mebel axtarışında bütün şəhəri ələk-vələk etmək artıq gərəksizdir. Çeşid bolluğu, qiymət münasibliyi, dizayn müxtəlifliyi ilə fərqlənən “Madeyra” brendinin respublika üzrə ümumi mağazalar şəbəkəsinə daxil olan 80 mağazasından Sizin evinizə ən yaxın olanı seçin və ordan rahatlıqla alış-verişinizi edin.

 

Mebeldə funksionallıq, keyfiyyət, çeşid bolluğu, müxtəlif dizayn həlləri, ekoloji cəhətdən təmiz məhsullar, yüksək xidmət səviyyəsi, pulsuz çatdırma və quraşdırma, iki illik zəmanət, sərfəli kredit şərtləri axtarırsınızsa, Siz düzgün ünvandasınız. Mebeldə axtardığınız hər şey Madeyrada öz əksini tapmışdır.


Madeyra - Sizə uyğundur!